Shkolla fillore Abdyl Frashëri në Prizren posedon ngrohtoren e cila ka kaldajat me thëngjill, një sistem i cili është i vjetër dhe që gjatë muajve të dimrit kur ngrohtorja në fjalë fillon punën, fillon edhe ndotja e ajrit, pra krijohet ajër i rëndë. Lagjja Ortakoll është lagje me shumë banorë dhe banorët në ndërtesat që gjenden në afërsi të ngrohtores gjatë muajve të dimrit thuajse nuk mund të dalin as në ballkonet e tyre, kjo për shkak të ndotjes që krijon kjo ngrohtore.
Si zgjidhje për këtë problematikë, rekomandoj zëvendësimin e kaldajave me thëngjill me një sistem më bashkëkohorë, atë të ngrohjes me pelet. Ky sistem garanton eliminimin e ndotjes së ambientit, pra është ekologjik si dhe është më ekonomik.
Ky shembull për zëvendësimin e kaldajave me thëngjill apo me naftë, në të ardhmen le të jetë edhe për shkolla dhe institucione tjera ku administron Komuna.